Uztailak 20 ditu gaur, beraz, badira dagoeneko egun batzuk udako beherapenak hasi zirela. Aurtengo beherapenak zelan doazen jakin gura izan dugu, hau da, besteak beste krisiak eraginik izan duen erosleen jarreran, hau da, beste urte batzuekin alderatuz, gehiago ala gutxiago saldu duten Arrasateko dendetan.
Hori jakiteko, bada, herriko bi dendatara jo du Arrasate Irratiko Amaia Arantzeta lankideak; horien artean, Gili-Gilira. Han Naiara Berganzarekin izan da. Gili-Giliko dendariak azaldu du, besteak beste, krisia igartzen den arren, euren erosleek behintzat, kontsumitzeko gogoa erakutsi dutela; beste urte batzuekin alderatuz, ohi baino erosle gazteagoak hurbildu omen dira aurten.
Gigi-Gili erropa dendatik, kirol denda batera joan da gero Arantzeta; Loramendi Kirolak dendara, hain zuen ere. Han, Itziar Uriarterekin egin du hitzordua. Uriartek azaldu du, besteak beste, eurek krisiaren eragina igarri dutela eta, beraz, jendea, beherapenei zain zegoela igarri dutela.