Konstituzioaren egunean lan egingo dute Arrasateko udaletxean

Biharko egunaren harira, hau da Konstituzioaren egunaren harira, Arrasateko Udalak lan egitea erabaki duela jakinarazi gura die herritarrei. Udaleko alkatetzak gogora ekarri du "gure herriak ezezkoa eman" ziola Konstituzioari. Horrez gainera, Konstituzio hori "Euskal Herriarentzako muga" dela salatu eta "herri bezala dagozkigun eskubideak ukatzen" dituela ere gaineratu du, besteak beste.

Hori horrela, hiru puntutan zera adierazi du alkatetzak: batetik, dio bihar ez dagoela "ospatzeko ezer, bai ostera lan egiteko aukera polita. Guretzako lan eguna da, Euskal Herriaren alde lan egiteko eguna, gure herriari inposatzen zaizkion mugak altxatzeko, euskal herritarroi dagozkigun eskubide guztien jabe izateko, finean, etorkizunari ateak irekitzeko".

Bestetik, zera ere badio: "Inposatzen zaigun Konstituzioaren aurrean Euskal Herriak bere etorkizuna erabakitzeko duen eskubidea aldarrikatu nahi dugu".

Eta bukatzeko, Euskal Herriarendako "Lan Egutegi propioa" eskatzen du "eragileekin" bat egiteko deia egin du eta "gure herria ukatzen duen Konstituzioaren aurrean lan egiteko" deia ere bai.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.