Hori bai, gero, datorren astetik aurrera, irailaren 14tik aurrera ikastaro guztiak ordaindu egin behar izango dira. Ikastaro gehienek 20 eurotik gora balio dute, baina badaude batzuk merkeagoak direnak; adibidez, adinekoendako gimnasia, body-balance edo gazteendako batuka.
Kantxak irailaren 15erako
Bestalde, kirola egiteko kantxak alokatu behar dituztenei jakinarazi gura diete urritik abendura bitarteko eskaerak irailaren 15a baino lehen egin behar direla.
Klasikoa eta berria, uztartuta
Eskaintza klasikoa eta berria uztartuko ditu AUKEAk 2009-2010 ikasturtean. Eskaintza berriari dagokionez, adibidez, patinajea familian egiteko aukera izango da; edo 6 hilabete eta 3 urte bitarteko umetxoendako igeriketa ikastaroak, zapatuetan. Yoga ere eskainiko dute aurten; funky dantza ikasteko bidea ere bada, eta baita ere modan dauden hainbat jarduera batzen dituen kirol mota berria: Total Fitness.
Horiek, esandakoa, eskaintza berriak dira; baina klasikoek ez dute hutsik egingo. Batzuk aipatzearren, helduendako igeriketa ikastaroak izango dira Musakolako kiroldegian, hirugarren adinekoendako gimnasia, intentsitate altuko jarduerak edo koreografia dantza jarduerak.
Musakolako instalazioak 07:00etan zabaltzen dituzte, 21:30ak arte.