Denetara 15 proiektu aurkeztu dira erakusketara. Horietatik 13 diseinu industrialeko ikasleek ekarri dituzte, eta bi Ekiten lehiaketako proiektuak dira. Lanbide heziketako eskolak ere bere txokoa dauka erakusketan, bertara ekarri baititu energia berriztagarrien azpiegitura proiektuak.
Gazteria, aisialdia eta kirola zen Kimu Berri erakusketako leloa, eta proiektuek sail horietarako irtenbideak eskaintzen dituzte. Antolatzaileek adierazi digutenez, proiektu asko daude gazteen bakardadeari buruzko arazoa konpondu nahi dutenak. Horretarako, sare sozialetan oinarritutako proiektu asko aurkeztu direla ere azpimarratu dute, gaur egungo teknologiak baztertu gabe.
Ordutegia
Egubakoitzera arte egongo da aukera erakusketa bisitatzeko arratsaldeko 5:30etatik 8:30etara. Nahi duenak Kulturateko klaustrora inguratu besterik ez dauka.