Gaur goizean Gorka Aztiria arrasatearrak bere burua entregatu du Martuteneko kartzelan. Behin-behineko askatasunean zegoen Aztiria, hamar hilabete kartzelan pasa eta gero. Epaileak 18 hilabeteko kartzela zigorra ezarri zion, beraz, orain zortzi hilabeteko kartzela zigorra bete beharko du.
2005eko apirilean atxilotu zuten Gorka Aztiria, Arrasateko Gaizka Olabarrieta gaztearekin batera. Biak ala biak akusatu zituzten, ustez ETAri laguntzearren. Fiskalak sei urteko kartzela zigorra eskatu zuen eta epaileak 18 hilabetera zigortu zituen.
Hori horrela, Gaizka Olabarrieta arrasatearrak ere zortzi hilabeteko kartzela zigorra dauka betetzeko. Baina hari oraindik ez zaio bukatu kartzelan aurkezteko epe muga.
