Karabana eta antzekoak ezingo dira 5 egun baino gehiago aparkatuta utzi

Abenduko plenoan herri barruko zirkulazioaren gaineko udal ordenantzako artikulu bat aldatzea onartu zuen udalbatzarrak aho batez. Hain justu ere, artikulu hori da karabana, autokarabana, autobus eta halako ibilgailuen gainekoa. Bada, udalbatzarrak onartutako aldaketaren arabera, aurrerantzean ezingo dira estazionatu bide publikoetan motordun ibilgailutik banatutako atoiak, karabanak, autobusak, traktoreak eta baimendutako gehieneko pisua 3.500 kilotik gora duten ibilgailuak. Halaber, autokarabanak epe luzez bide publikoan estazionatzea ere debekatuta izango da aurrerantzean. Finkatu dute bost egun baino gehiagoan ezingo dela autokarabana aparkatuta izan.

Udalbatzarrak orain hartu duen erabaki hori lotuta dago orain dela hiru urte hartu zuen beste erabaki batekin. Hain zuzen, 2004an, udalbatzarrak onartu zuen halako ibilgailu handiak aparkatzeko gune egokiak industrialdeak zirela. Eta Arrasateko kasuan, Musakola, Markulete eta Kataide zehaztu zituen horretarako.

 

    Aurrerantzean ibilgailu handiak aparkatzekotan, aipatutako hiru lekuetako batean aparkatu behar direla; bestela, Udalak neurri zigortzaileak aplikatuko ditu.
  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.