Hain justu ere, aldatu egin dute katuen harrapaketaz arduratzen zen enpresa. Emandako xehetasunen arabera, jakin izan dute Zaunk enpresak katuak harrapatu eta berehala akabatu egiten zituela, Arrasateko Udalarekin zuten hitzarmenean zehaztutako hilabeteko epea errespetatu barik.
Hori ikusita, Udalak utzi egin du Elorrioko enpresa eta Bergarako Elur enpresa kontratatu du katuez ardura dadin. Sei hilabeterako konpromisoa hartu du Elur enpresarekin, katuen ugalketari zela aurre egin aztertzen duten bitartean.
Ezker Batuaren kexua
Ezker Batua Zutik koalizioak salatu egin du gaur egun katu ugalketari aurre egiteko Arrasateko Udalak erabiltzen duen metodologia. Ander Rodriguez koalizioaren bozeramaileak katuendako tratamendu etikoa eskatu du eta salatu du gure erosotasunerako hiltzen ditugula. Hori horrela, gaur egun Udalak erabiltzen dituen bideen aurrean, irtenbide alternatiboa proposatzen dute: dauden katuen koloniak kontrolatzea, izan ere, eransten duenez, katuek inguruko oreka biologikoan lagundu egiten dutela.