Pozik daude, oro har, Arrasate Dragoi Gimnasia Taldekoak, eta bereziki, Kadete B mailakoak asteburuan Leioatik (Bizkaia) ekarritako emaitzekin.
Izan ere, lehen postua eskuratu dute kadeteek Euskadiko txapelketatik, uztaia eta mazekin egindako ikuskizunaren bitartez; Ainhoa Delgado, Eider Etxebarria, Olatz Fernandez, Aintzane Rodrigez eta Paula San Migel dira, beraz, txapeldunak.
Bosgarren postua eskuratu du, berriz, Nerea Otxoak; kasu horretan, bakarkako atalean, eta maza eta zintarekin egindako jardunari esker.
Modu horretan agurtu dute Arrasateko gimnasta gazteek 2009-2010 ikasturtea.