Judo eta jiu-jitsu erakustaldia zapatuan Musakolako kiroldegian
Aitziber Aranburuzabala Juldain
2009ko uzt. 23a, 14:49
Zapatuan, uztailaren 25ean, Arrasateko Judo eta Jiu-Jitsu Klubak, aipatutako arte martzialak ezagutarazteko erakustaldia egingo du Musakolako kiroldegian. Goizeko 10:00etan hasiko dira entrenamendu saioak eta interesa duen edozeinek ditu ateak zabalik. Emakumeei zuzendutako "defentsa pertsonala" izango da, erakustaldiko oinarrietako bat. Markel Urrutia, Arrasateko Judo eta Jiu-Jitsu Klubeko kideak emandako azalpenak dituzue jarraian entzungai.
25 urtetako eskarmentua du Arrasateko Judo eta Jiu-Jitsu Klubak eta urteurrena ospatzeko, besteak beste, herritarren aurrean erakustaldia egin gura dute, zapatuan Musakolako Kiroldegian. Han izango da, besteak beste, 85 kiloz azpiko Euskal Herriko txapelduna, Markel Urrutia arrasatearra.