Lopez de Uralde energia berriztagarrien enplegu aukeren eta klima aldaketaren ondorioen inguruan mintzatu zen. Bi kontzeptuak bateratuta doazela nabarmendu zuen Greenpeace Españako zuzendariak.
Azpiegitura handien inguruan ere galdetu genion, gure bailaran eragina izango duen Abiadura Handiko Trena aitzakia hartuz. Krisian dagoen modeloa eusten jarraitzen dela kritikatzen zuen.
Deba ibaia Gipuzkoako zikinenetakoa da eta horren inguruan ere mintzatu zitzaigun. Orokorrean Euskal Herriko erreken egoerak nabarmen hobetu dela azpimarratzen zuen, eta horretarako araztegiek garrantzia handia izan dute. Oraindik bada zer egin halere.
Helburu horretarako MUko lizentziatu berriek ez daukate erronka makala aurrerantzean.
Ostiraleko ekitaldian 168 ikaslek jaso zuten lizentziaturako diploma, eta hamaseik doktoregotzako izendapena. Familiarteko eta lagunek antzokia bete zuten lizentziatu berrientzako egun berezi horretan.