Abenduan, ezin
Berez, Jose Mari Loitik joan den abenduan deklaratu behar zuen inputatu moduan. Auzi horretako beste bi inputatuek, Inazio Lakuntzak eta Javier Guibertek, Obenerrekako enpresaburuak, (Gelmako etxeen promotorea) abenduan deklaratu zuten. Orduan, Loiti ez zen azaldu, eta ekainerako txanda eman zion epaileak.
Auzi horretan akusazio partikular moduan Ezker Batua alderdia dabil. Hala, abenduko jardunean lekuko moduan izan ziren alderdi horretako zinegotzi Ander Rodriguez eta Ines Aldai, EAJko zinegotzi izan ostean, Talde Mistora pasa zena.
Hala, Ezker Batuak adierazitakoaren arabera, joan den egueneko deklarazioan Loitik ukatu egin zuen Gelmaren eta Udalaren arteko negoziaketetan parte hartu izana.
Jose Maria Loitiri dagokionez, berriz, harekin harremanetan ipini arren, ez du nahi izan ezer deklaratzerik, eta ez ditu ez baieztatu eta ezta ukatu ere Ezker Batuak esandakoak.
Grabazioak
Hori bai, Ines Aldai jarduneko zinegotziak hainbat elkarrizketaren grabazioak aurkeztu zituen froga moduan abenduan: Inazio Lakuntza alkatearekin, Luis Urkiza aholkulari ekonomikoarekin, EAJ barruan izandako elkarrizketa eta Hirigintzako teknikari buru Juan Antonio Urdangarinekin egindako elkarrizketak, besteak beste. EBren esanetan, horietako grabazio baten arabera, EAJko batzar batean grabatukoa, Loiti izan zen Gelma operazioaren ardura bere gain hartu zuena eta Guiberten eta EAJren artean zubi-lanak egin zituena.
Grabazio horien transkribapena egiten dabiltza orain.