Jose Mari Arana: "Mikel baikor dago eta datorren asterako etxean izatea espero dugu"

Gaur goizean deitu du Mikel Arana arrasatearrak etxera. Bere aitak, Jose Mari Aranak GOITBri esan dionez, minutu gutxiz berba egiteko aukera izan dute. Bahitzaileak 10 bat pertsona dira, militarrak eta oso ondo prestatuta daudela esan die Mikelek etxekoei. Nahiko tratu ona jasotzen omen dute, nahiz eta bakoitzaren gelan zituzten hainbat gauza lapurtu. Semea baikor ikusi du Jose Mari Aranak. Hemen duzue berari egindako elkarrizketa.