Jon de Andres 'Oh Happy Day' saioko irabazle

Jon de Andres arrasatearrak ETB1 telebista kateko 'Oh Happy Day' saioa irabazi du, Astigarragako abesbatzarekin. Zapatuko finalean Astigarragako, Eibarko eta Mallabiako abesbatzak lehiatu ziren, baina epaileek Astigarragari eman zioten saria, eta tartean zen Jon de Andres.

Arrasatekoaren zaletasunen artean, bistan da, abestea dago. Astigarragako taldearekin batera Arrasateko Goikobalu abesbatzan ere parte hartzen du, eta horrekin batera Mondra futbol taldean ere badabil.

Arrasatekoak, Rodri de Veraren gidaritzapean, Ahots Gaztea taldearekin hartu du esku, eta orain dela hilabete gutxi sortu zuten taldeak sari ederra eskuratu du, 10.000 euro jaso dituzte-eta.

Zapatuko final handiaren bideoa, hemen.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.