Jangeletako langileen lan gatazka: elkarretaratzea egin dute Ausolan aurrean

LAB sindikatuak deituta, elkarretaratzea egin dute goizean Arrasaten, Ausolan (lehen Auzo Lagun) enpresaren parean. Hilaren hasieran enpresek proposamen ekonomikoa atzera bota izana salatzeko helburuarekin egin dute kontzentrazioa. Sindikatutik azaldu digutenez, zazpi dira gatazka honetan inplikatuta dauden enpresak eta guztietara eraman asmo dute euren errebindikazioa.

Proposamen ekonomikoa berriz ere mahai gainean jartzea eta negoziaketei berrekitea eskatzen dute eta, hala egin ezean,  ez dute baztertzen berriz ere protestekin hastea.

Urtebete baino gehiago da jangeletako langileen lan gatazka hasi zela eta 15 greba egun izan dira denbora tarte horretan. Administrazioko langileekiko parekotasuna eskatzen dute ehuneko ehunean. Hiru herrialdetan, 4.500 langileri eta 40.000 ikasleri eragiten die aferak. 

Ausolan enpresarekin kontaktuan jarrita, esan digute ez dutela adierazpenik egingo gai honen inguruan.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.