Alemaniako Lehen Mailan –Bundesliga– lehiatzen ari den futbol talde baten lagunartea aurkeztuko dute bihar gaztetxean. Beste bat! izena
hartu dute, lagunarteko kideek diotenez, "beste gol bat, beste kantu
bat, beste garagardo bat..." aldarrikatzeko. St. Pauli klubak sortzen
dieten zirraragatik elkartu dira, klub ezberdina delako. Bizitza eredu
alternatibo baten inguruan sortutako kluba, hain zuzen.
Taldeko kide
batzuek ezagutzen dute Millerntor estadioan izaten den giroa; beste
batzuek, ordea, ez. Hala, asmoa da urtero behin Hanburgora joan eta
partidu bat bertatik bertara jarraitzea.
Arrasate eta Berlin
Taldea ezagutzera emateko
jaia bihar egingo dute, 22:30ean hasita. Punk-rocka izango da nagusi:
Arrasateko Dirty Brothers eta A.M.D. taldeak eta Pascal Briggs musikari
alemaniarrak zuzentzen duen Berlingo District taldea izango dira
agertokian. Sarrera hiru euro izango da. Antolatzaileek musika taldeen
eta gaztetxearen laguntza eskertu gura izan dute.