EKG-k (Euskadiko Kooperatiben Goren Kontseilua) eta KONFEKOOP-ek (Euskadiko Kooperatiben Konfederazioa) 2007an sortu zuten Forocoop foroa eta, esan bezala, aurtengoa egiten duten laugarren biltzarra da.
Arrasateko Garaia Berrikuntza Guneak IV. Forocoop biltzarra hartu du gaur. Kooperatiba-gaien inguruko hausnarketarako gunea edo foroa da Forocoop. 'Enpresako gizarte berrikuntza' da aurtengo biltzarrerako aukeratutako gaia.
Kooperatiba munduko aditu eta aurpegi ezagunak batu dira IV. Forocoop biltzarrean: Juan Mari Otaegi,
Koldo Saratxaga eta Javier Elzo, tartean. Mariano Ferrer kazetariak
moderatzaile lanak egin ditu eztabaida guneetan. Aurtengo gaia Enpresako
gizarte berrikuntza izanik, gizarte berrikuntzarako esperientziak ere aurkeztu
dira. Hala nola, Baga egitasmoa, Baketik edo Mundukide Fundazioa. Ekonomia zientzietan
doktorea den Joan Subirats-ek, bestetik, Bitartekaririk gabeko demokrazia
izeneko hitzaldi magistrala eskaini du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak