Itxungi Rock jaialdia bueltan dator. Iaz antolatu zuen lehenengoz AGAKOk, gaztetxean gauzatu gura duten proiektu baterako: Itxungi irratia librea, hain zuzen. Iaz aste bukaera osoa iraun zuen jaialdiak eta egubakoitz zein zapatuan izan ziren kontzertuak. Aurten zapatuan izango dira emanaldi guztiak; zazpi guztira: Never Surrender –Arrasate–, Las Flujo –Bartzelona–, Plan B –Donostia–, La otra cara del rock –Arrasate–, Interprete Desconocido –Arrasate–, CC-627 –Oñati eta Arrasate; euren lehen kontzertua izango da– eta La banda del abuelo –Arrasate–; zazpitik bost Debagoienekoak dira. Sarrera hiru eurotan jarri dute.
"Laster" airean
Egun Itxungi ez dago airean, baina "laster" emititzen hasiko direla jakinarazi digu irratian diharduen kide batek.