GI-627 errepidean izan da ezbeharra, hain zuzen ere 35,850 kilometroan, Arrasateko saihesbidea JMA lantegiaren paretik pasatzen den puntuan.
BI suhiltzaile kamioi gerturatu dira bertara, baina azkenean hilik atera dute autoko gidariaren gorputza, esan bezala, emakumezkoa. Ondoren, ertzainek inguruak eta autoa aztertzeari ekin diote, istripua zer dela eta gertatu den jakiteko.
Saihesbidearen bi karrilak itxi dituzte, eta Arrasatetik Aretxabaleta bidera doazen autoak, herri barrutik desbideratu. Ordua konplikatu xamarra zen asko lanetik bueltan zetozelako, baina auto-iladak egon diren arren, ez da aparteko arazorik egon.
Arratsaldeko 18:20 aldera gertatu den istripuan emakume bat hil da. Halaxe adierazi du prentsa oharrean Ertzaintzak. Ezbeharra saihesbidean gertatu da. Oraindik zehazteko dauden arrazoiak direla eta Peugeot 206 auto batek Volvo markako kamioi batek elkar jo dute. Ondorioz, autoa kamioairen azpian geratu da. Oraingoz, GI-627 errepideko bi norabideak itxita daude eta trafikoa herri barrutik ari dira desbideratzen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak