Oso ikusgarria izango da simulazioa, erakunde mordoak parte hartuko duelako; adibidez, eta osasun arloari dagokionez, parte hartuko dute Oñatiko eta Elgoibarko medikalizatutako bi anbulantziak, Arrasate, Bergara, Legutio eta Eibarko bizi-euskarri oinarrizko lau anbulantziak, helikoptero medikalizatu batek, eta besteak beste, Arrasateko ospitaleak.
Eta horiekin batera, parte hartuko dute Gipuzkoako suhiltzaileek, SOS Deiak-ek, Ertzaintzak, Arrasateko Udaltzaingoak, Tunelen kudeaketaz arduratzen den erakundeak, eraikuntza enpresako ordezkariek eta besteak beste, instalazioen mantenu arduradunak.
Biktima ugari dituen istripua
Simulazio horren arrazoia da gure inguruan ez direla oso ohikoak biktima ugari eragiten dituzten istripuak. Gaurko kasuan, Olandixoko tunelean harrapatuta geratuko dira hiru ibilgailuak, eta istripua izan duten pertsonen egoera desberdina izango da.
Koordinazioa
Simulazioan egin beharko dutena da kobertura sanitarioa antolatu, parte hartu behar duten erakunde guztien arteko koordinazioa bideratuz. Indarrean jarri beharko dute Biktima Ugari dituen Istripuetarako Plana.
Beraz, ingurutik pasatzen bazarete eta larrialdietako argi eta bestelakoak ikusi, kontuan izan horixe, simulazioa besterik ez dela.