Aralarreko Ezkerraberri Fundazioaren eskutik, palestinarren egungo egoeraren berri jasotzeko aukera izan zen atzo Arrasaten. 'Palestina: blokeo baten historia' lelopean eta adibide zehatzekin, Gazan zer gertatzen ari den kontatu zieten Kulturaten batutakoei. Hitzaldia ematen izan ziren Mahmoud Zawre Erresistentzia Popularra Koordinatzeko Batzordeko kidea, eta Naheel Daoud Palestinako Emakumeen Batzordeko kidea.
Orain gutxi Israelek Gazara laguntzaz beteta zihoan itsasontzi bati egindako erasoa hizpide izan zuten palestinarrek. Jerusalemek nazioartearekiko izandako errespetu falta izugarria izan dela salatu zuten. Palestinarrentzat Israelek akats handia egin du, eta ondorio guztien ardura hartu beharko lukeela adierazi zuten.
Emakumeen egoeraz ere jardun zuten eta, hizlarien arabera, okupazio israeldarraren eragina bikoiztu egiten da horien kasuan. Aipatutako adibideen arabera, Israel Gazako mugan eraikitzen ari den hormaren ondorioz, emakumeek ez dute eskolara joateko aukerarik, ez eta ospitalera joateko aukerarik ere. Kasu askotan, kalean erditu behar izaten dutela ere adierazi zuten.
Horregatik, Israelen jarrera kondenatu dezala eskatu zioten nazioarteari.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak