Eduki hau partekatzeko esteka arbelera kopiatu da.
Arrasateko udaltzaingotik oharra zabaldu dute abisatuz iruzurgile bat pertsona nagusien etxeetan sartzen dabilela berogailuen teknikaria dela esaten. Emakume edadetu baten salaketa jaso dute dagoeneko udaltzainek eta haren azalpenen arabera gizonezko bat etxera joan zaio berogailua ikusi beharra daukala esanaz. Asko insistitu eta gero, itxuraz errebisioa egin eta 100 euro eskatu dizkio andreari. Dirua eskuan, tele-asistentzia gailua deskonektatu eta alde egin du iruzurgileak. Horretaz jakinarazi eta edozein salaketa eta zalantzarako Udaltzaingoaren telefonora jotzeko eskatu dute: 943791439 edo 112 (larrialdiak)