Transition du mugimenduak izena, Ingalaterrako Totnes hirian jaio zen eta poliki-poliki beste hainbat lurraldetara hedatu da. Ben Granwyn izan genuen Arrasaten, Transitioneko Ingalaterrako kidea.
Gizarte aldaketak bultzatu
Petrolioaren gailurrak, petrolio ugari eta merkearen amaierak, eta aldaketa klimatikoak eman die izateko arrazoia trantsizio mugimenduari. Petrolioaren erabilerarekiko mendekotasuna murrizteko eta karbono isurketak gutxitzeko gizarte aldaketak bultzatzen ditu, herria edo komunitatea oinarri hartuta. Banakoen eta nazio-estatuen influentzia eremuetatik haratago, komunitatearen eragiteko gaitasuna azpimarratzen dute mugimendu honetan.
Ekonomia lokala indartu
Transisioneko kideek diote, orain arte pentsaezinak ziren bizitzeko erak eraman ditugula urte hauetan guztietan zehar eta sostengatu ezin dugun une batetara iritsi garela.
Transisionek gizartea komunitate moduan pentsatzera bultzatzen du eta hainbat proiektu ditu. Energia berriztagarriak analizatzen ibiliko den komunitateko talde bat martxan jartzea, adibidez. Baina helburu nagusia da ekonomia lokala indartzea.