Azken hilabeteotan Arrasaten euskarazko irakurketa bultzatzeko abian jarritako 'Irakurri, gozatu eta oparitu' izeneko egitasmoa amaitzera doa. Egubakoitza, hilak 24, da azken eguna Santa Marina eta Kulturateko liburutegietan euskarazko liburuak irakurtzeagatik eskuratutako deskontu bonuak gastatzeko. Hortik aurrera ezingo dira trukatu.
Kanpainan Arrasateko AED eta Txatxilipurdi euskara elkarteek, Udal Bibliotekak eta Elkar, Eroski eta Portaloiko kioskoak parte hartu dute. Antzolatzaileak pozik daude horrek izandako harrerarekin. Txatxilipurdiko Eneko Barberenak esan digu lehen urtea izateko, "pozik" daudela izandako harrerarekin: "Euskarazko irakurketan aurrerapausua ematea lortu dugu". Aurreratu digu, horren harira, 90 deskontu bonutik gora banatu dituztela.
Oraindik, esan bezala, bonu horiek gauzatzeko aukera dago. Liburutegian irakurritako euskarazko liburua itzultzerakoan, fitxa bete eta liburuzainak bonua ematen dio irakurleari. Herriko liburu dendetan liburuak erostean hori aurkeztuko du. Euskara elkarteko kide bada, %50eko deskontua izango du bezeroak; bestela, %25ekoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak