Arantzazura oinez doazenak, 06.30etan abiatuko dira Kontzeziñotik eta handik, Bedoñatik zehar, Larrinoraino iritsiko dira, Urkulura gero eta Urrexolara joateko ondoren. Gero guztiak elkartuko dira, Gesaltzan. Autobusez, doazenak, goizeko 09,00etan abiatuko dira Garibaitik. Arantzazura iristean Frantziskotarrak, 11.00etan agurra egingo diete. Eta gero, Meza Nagusia izango da 12.00etan. Arrasateko antolatzaileen esanetan, Arrasateko Udaleko ordezkariak ere han izango omen dira. Irailaren 13an, bada, erromesaldian parte hartu gura dutenek Ecuador bidaiak agentzian dituzte autobuserako txartelak salgai.