Edozein motako bizikletak (mendikoak, paseokoak, haurrenak…), bizikletarako osagarriak (kaskoak, gurpilak, belozimetroak, mailotak…), patinak, patineteak eta halakoak eraman daitezke udal azokara, gero, Birzikleta azokan salgai ipintzeko.
Birzikleta, irailaren 18an
Irailaren 11z gainera, irailaren 14an eta 16an ere eraman ahal izango da materiala azoka; izan ere, Birzikleta azoka bera irailaren 18an (zapatua) egingo dute, Seber Altuben, 11:00etatik 15:00ak arte.
Urbanoa doan
Birzikletaz gainera, baina, bestelako ekitaldiak ere iragarri dituzte Mugikortasun Asterako. Adibidez, Seg way, Trikke (hiru gurpildun ibilgailua) eta Roller (patinajea) zirkuitua; emisio txikiko ibilgailuen gaineko erakusketa (auto hibridoak, elektrikoak…); mugikortasun eta irisgarritasun tailerra, bizikleta bira, eta jakina, Arrasateko autobusean doan bidaiatzeko aukera ere bai (irailaren 16tik 22ra). Guztia ere, mugikortasun “berdeagoaren” kontzientzia gugan indartzeko.