Indartsu irten ziren Ford Mugarriko jokalariak zapatuan Iturripeko kantxara, eta nabaria izan zen hori lehenengo zatian. Markagailuan aurretik ibili ziren uneoro, eta atsedenaldira, lau goleko errentarekin joan ziren.
Atsedenalditik bueltan baina, Lea Corazonistasekoek apurka aldea murriztea lortu zuten, eraso gogorrari eta arrasatearren akatsei esker. Zenbait unetan berdinduta egon arren, azkenean arrasatearrek erreakzionatu eta garaipenaren bi puntuak etxean geratu ziren.
Edu Orgaz arrasatearren entrenatzailea gustura zegoen garaipenarekin eta lehenengo zatian egindako jokorekin; ez hainbeste bigarren zatikoarekin, bere hitzetan, jokalariek ez baitzituzten esandakoak bete. Gaineratu zuen, partiduak irabazten jarraitzea dela euren asmoa.