Eta horrekin batera, bestelako ikastaroak ere antolatu dituztela jakinarazi dute. Adibidez, dementziaren inguruko ikastaro bat eta elikagaiak maneiatzeko beste bat. Dementziaren gainekoa abenduaren 14tik 18ra egingo dute, eta elikagaiak maneiatzekoa, berriz, azaroaren 9tik eta 11ra.
Izena emateko
Informazio gehiago behar izanez gero edo izena eman gura izanez gero, elkartera bertara joan, Pablo Uranga kalean duen egoitzara, edo bestela telefonoz dei daiteke. Zenbakia honako hauxe da: 943 79 83 70.
Hamar urte integrazioa lantzen
Ekin elkarteak gogora ekarri du azken hamar urteotan emakumeen integrazioa bultzatzeko lanean jardun duela, euren garapena euskaraz izateari garrantzi handia emanez. Eta gaineratu du azken urteotan etorkinekin ere lan egin dutela, bereziki, hemengo eta kanpotik etorritako pertsonen artean harremana sortzeko helburuarekin.