Gipuzkoako hainbat herritatik etorritako 60 bat kideri Ino Galparsoro alkateak egin die ongietorria. Afagiko presidente Koldo Aulestiak esan die gero akatsa dela gaixotasuna ezkutatzea: "Normaltasunez onartu behar dugu, jakinik oso latza dela pertsona afektatu batekin –eta ez gaixoa– bizitzea. Eta aldarrikatu gura dugu bizitza kalitatea guztiendako". Era berean, urtea luzea eta gogorra dela jakinik, gaurko eguna poztasunean, barre eginez eta dantzan pasatzeko dela gogorarazi diete elkartutakoei: "Indarrak eskuratuko ditugu gaur, bihartik aurrerako eguneroko lanari ekiteko".
Lore Gazteak taldeko dantzariek egin diete harrera lehenengo plazan eta gero Txorbela otxoteak ekitaldia eskaini. Sara jatetxean bazkaldu dute guztiek gero lagunartean.
7.500 afektatu Gipuzkoan
Alzheimerrak jotako 7.500 lagun daude Gipuzkoan eta 10 urte barru bikoiztu egingo dela kopurua diote adituek. Afagiko bazkideak, ostera, 1.500 dira Debagoienean.