Iñaki de Juanak ez du senda-agiriaren jakinarazpenik jaso, nahiz eta hedabide askok hori esan

Egunotan hedabide ezberdinetan esan dute Iñaki de Juanak senda-agiria jaso duela eta Espainiako Espetxe Erakundeetako Zuzendaritzak tramiteak egin bezain laster etxean bete ahal izango duela zigorra, kontrol telematikoarekin. De Juanaren gertukoek Goienari argitu diotenez, berriz, ez du berak oraindik senda-agiririk jaso. Azken orduaren arabera, ospitalean jarraitzen du.

Gainera, beti ere gertukoen arabera, ezkor samar dago De Juana etorkizunari begira. Izan ere, oraindik urtebeteko kartzela-zigorra betetzeko du eta beldur da ez ote duten atzera kartzelara bidaliko. Hori eginez gero, De Juanak berriz ere gose greba hasiko lukeela argi duela esan digute haren gertukoek.


Bestalde, senda-agiria emango baliote eta geratzen zaion zigorra etxean betetzeko aukera, akaso De Juanak Arrasate aukeratuko luke bizileku.

Martxotik

Iñaki de Juana martxoaren 1etik dago Donostia Ospitalean, egin dituen bi gose greben ondorioetatik sendatzen.

Albisteetara loturak

Donostiako ospitaleko medikuek senda-agiria eman diote De Juanari (Berria)


De Juana recibe el alta médica y espera la decisión de Interior (El Diario Vasco)

Google News-eko albisteak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.