Iñaki de Juanak aurrera jarraituko du gose grebarekin

Gose grebaren 45. egunean, Iñaki de Juana ahul dago fisikoki baina gogor psikologikoki, eta gose grebarekin jarraitzeko asmo garbia dauka. Hala kontatu digu gaur haren senide Irati Arantzabal arrasatearrak. Arrasate Irratian egin dio elkarrizketa Aitziber Aranburuzabalak. Berandu baino lehen, hitzetatik ekintzetara pasa daitezela eskatu die agintariei Arantzabalek, ez dagoelako prest ez zerraldo bat etxean jasotzeko ezta de Juana denbora gehiagoz kartzelan ikusteko ere.