Fernando Urangak taldea utzi eta gero, Imanol Bolinaga gaur estreinatuko da Mondrako bigarren taldearen aulkian

Mondrako bigarren taldeak aldaketa izan du aulkian. Orain arte Fernando Urangak zuzendu duen taldeak entrenatzaile aldaketa izan du asteon. Hala, Urangaren lekua Imanol Bolinaga arrasatearrak hartu du; gaur estreinatuko da, kanpoan, Lazkaoren kontra.

Erregional preferente mailara igo berri den Mondrako bigarren taldeak nahiko ondo hasi zuen denboraldia, laugarren jardunaldira arte ez zuen partidurik galdu. Baina etxean jokatutako azken bi jardunaldietan 0-1eko emaitza lortu dute Lagun Onak eta Euskaldunaren aurka; bi porrot jarraian.

Hala ere, entrenatzaile aldaketa ez dute azken bi jardunaldietako emaitza kaskarrek eragin. Fernando Urangak "arrazoi pertsonalengatik" utzi behar izan du taldea eta haren lekua Imanol Bolinagak hartuko du; atzo gidatu zuen lehen entrenamendua. Taldea jokalari aldetik oso eskas dabil –lehen taldea motza izateak eta lesioek bigarren taldeko zenbait jokalari lehen taldera igotzea eragin dute– baina Bolinagaren mutilek egoera zailari aurre egin eta entrenatzaile berriarekin lehen garaipena erdiestea bilatuko dute gaur Lazkaon. Arrasatearrek eta lazkaotarrek Arizti handi futbol zelaian neurtuko dituzte indarrak, 15:30ean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.