Eduki hau partekatzeko esteka arbelera kopiatu da.
AC/DCren sukarrak jota ehun pertsonatik gora dihardute goizean goizetik Ikatz argazki denda parean ilara egiten. Etxeko manta, termo eta gosaria hartuta, lerroan lehenak goizeko seiak baino lehenagotik daude zain. Ibarrean sarrerak salgai dituen leku bakarra da Arrasateko denda eta kate bereko Ikatz dendetan guztira 500 sarrera besterik ez dituzte salgai. 61,50 euro balio du sarrerak eta pertsonako bi besterik ezingo dira erosi. Goizeko 10:00etarako Ikatz paretik Portaloira iristen da jendea.