Ikusgai daude AHTko planoak Udalean

Iritsi dira Udalera Arrasateri dagozkion Abiadura Handiko Trenaren bi zatien poiektuen plano eta datuak. Atzo hartu zituen Hirigintza batzordeak Trenbide Azpiegituren Administraziotik, hau da, Espainiako Gobernutik bi poiektuak: Arrasate - Aramaio tartea eta Arrasate- Elorrio. Udalaitzeko tunelak 3,16 kilometro izango ditu. Guztira Arrasateko tarteetan ia 8 kilometro eraikiko dira.

Arrasate-Aramaio zatia iazko uztailean onartu zuen Espainiako Gobernuak eta Arrasate eta Aramaio arteko 3,39 kilometrotako lanak zehazten ditu.
Arrasate eta Elorrio arteko zatia iazko martxokoa da eta 4,44 kilometrokoa da. Erdian Udalaitz barrutik joango den tunela dago, proiektuaren arabera, 3,16 kilometrotakoa, espero baino luzeagoa.

Alegazioetarako eperik ez momentuz

Proiektuak jaso eta gero alegazio epea egon ohi da baina oraingo kasuan Udalak ez daki zer egin behar den. Haiek jasotakoa lanen jakinarazpena da baina alegazio eperik egongo ote den ez dakite. Hori bai, proiektua nahi duenak ikusteko udaletxean dago.

Aramaion berdina gertatu zen. Proiektua iritsi zitzaien baina Udalak ez zuen jaki zer egin. Horretarako Aramaioko Udalak aditu baten laguntza jasoko du. Arrasateri dagokionez oraindik  Udalak ez du jakinarazpenik egin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.