Euskadiko Kutxak Eusko Jaurlaritzaren eta MCCren laguntzarekin egiten duen Gaztempresa programak bere topaketak egin berri ditu eta hainbat aipamen banatu zituen programaren bidez sortutako enpresen artean. Horietako bat, Enpresa Teknologikoenaren aipamena, Arrasateko Ikus Entzun enpresari.
Ikus Entzun enpresak, batez ere, instalazio akustikoak hobetzen egiten du lan; besteak beste, Bilboko metroko, Arantzazuko Gandiaga Topaguneko eta Arrasateko parrokiako soinu eta megafonia sistemak antolatu eta hobetu dituzte.
Saria jaso dute eta honek lanean jarraitzeko indarra emango die zalantzarik gabe. Orain Euskalduna jauregiko akustika hobetzen ari dira.