Ikastaroan ibili diren 12-16 urte bitarteko 10 gazteak gonbidatu dituzte jaira; "Unai Azkaratek berak musika joko du; gonbidatu dugu, baita ere, Ebert Sanchez (kantautore venezuelarra), bestelako lurralde batzuetako musika jo dezan eta Arrasateko Ain 1 nesken musika taldeak ere jardungo du. Horrekin batera, merienda ere egingo dugu", jakinarazi du Lander Juaristik, Gazte Txokoen arduradunak.
Bestalde, hark gaineratu du datorre eguaztenean (apirilaren 23an), hanka-palo ikastaroa egingo dutela Musakolako Gazte Txokoan. Kukumarro elkarteko Mikel Ibartzabal bergararra izango da irakaslea eta12-16 urte bitarteko edozein gaztek parte har dezake, "nahiz eta ez izan Musakolakoa". Izena emateko Txatxilipurdira jo behar da
Bukatzeko, apirilaren 26rako beste ikastaro bat iragarri dute gazteendako: "goma-espuma lantzen ikasteko ikastaroa" izango da, Kukumarro elkarte beraren eskutik. AEDren txokoan egingo dute.