Arrasateko Iban Velascok lehenengoz hartuko du parte uztailaren 3tik 25era arte egingo duten Frantziako Tourrean. Taldeko zuzendariak atzo azaldu zuen Euskaltel-Euskadik ze ziklista izango dituen lasterketan: Samuel Sanchez, Egoi Martinez, Gorka Verdugo, Amets Txurruka, Juanjo Oroz, Ruben Perez, Alan Perez, Iñaki Isasi eta berritasun handiena, Iban Velasco.
Arrasatekoa egon da lehenago ere itzuli handietan, Vueltan eta Giroan korritu duelako, baina sekula ez Tourrean.