Jende mordoxkari eragingo die, bada, orain abiarazi duten prozesu horrek: 399 laguni zehatz-mehatz, horiek dira-eta azterketetara onartutakoak.
Urriaren azkeneko hiru asteotan
Urrian hasiko dituzte azterketak: urriaren 13an dute hitzordua liburuzain laguntzaile izan gura dutenek; urriaren 20an, Biztanleen Arreta Zerbitzuko langile izan gura dutenek, eta bukatzeko, urriaren 28an, peoi izan gura dutenek.
Azterketak Uarkapen
Hasierako azterketa horiek teorikoak izango dira eta azterketetara deituta dagoen jende kopurua ikusita, Uarkape pilotalekuan egingo dituzte. Azterketa teorikoez gainera, baina, proba gehiago gainditu beharko dituzte lanpostuetara aurkezten direnek; Udalak jakinarazitakoaren arabera, Udalaren web orrian iragarriko dute dagokion egunean.