Bihar, goizeko 11etan hasi eta ordubatak bitartean, sendabelarren erakusketa bat eta bi lehiaketa egongo dira. Auzotarrek duela urte bete inguru sortu zuten Betikolore elkarteak, bertako landare eta loreei bultzada bat ematea du helburu. Udalak Uribarriko Barrenatxo errota botako zuela jakin zutenean, hura eta beste auzoko eraikin zaharrak eraberritzeko modua, inguruan lora eta landareak ipintzea zela bururatu zitzaien auzotarrei eta hala sortu zen Betikolore. Aurten bada, esandako moduan, elkarteak lore eta landare erakusketa eta lehiaketak antolatu ditu lehenengoz.
Batetik, esandako moduan, sendabelarren erakusketa egongo da.
Eta bestetik, bi lehiaketa, bata lore txoko deiturikoa eta bestea lore sorta deiturikoa.
Lore txoko lehiaketarekin, kalean balkoi apainduena saritzen den moduan, Uribarriko baserri apainduena saritzea da helburua.
Lore sorta lehiaketan berriz, gura duen edonork, etxeko loreekin egindako lore sorta bat aurkeztu beharko du eta horietatik ederrena aukeratuko dute bozketa bidez.
Betikolore elkartearen eta Uribarriko jaien gaineko informazio gehiago, www.betikolore.org webgunean aurkituko duzue.