Hortzak zaintzeko gomendioak

Hortzak zaindu eta garbitzeko gomendioak eman dituzte Arrasateko Hortz Klinika zentruko Berti Amozarrain eta Asun Agirrek gaur, eguaztena, Arrasate Irratian. Jatordu bakoitzaren ostean garbitzea ezinbestekoa dela diote; zepiloa hortz bakoitzetik gutxinez hamar bat aldiz pasatuz. Zepiloaren mugimendua berriz, entziatik hortzera edo gorritik txurira izan behar dela gaineratu dute adituek. Gomendio horiek eta gehiago dituzue entzungai jarraian entzungai duzuen elkarrizketan.

Gaur estreinatu dute Arrasate Irratiko Osasunaren tartea; datozen asteetan, bada, Arrasateko Adur Hortz Klinikakoen eskutik, hortzak zaintzeko gomendioak eta hortzekin lotutako beste hainbat gai landuko dituzte eguaztenetan, 11:15etan hasita. Berti Amozarrain eta Asun Agirre adituak izango dituzte aipatutako tartean berbalagun.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.