Emakume Txokoak eta Arrasateko Udalak homofobiaren aurkako zinema jardunaldia antolatu dute. Horretarako Aldarte gay, lesbiana eta transexualen arreta zentroaren laguntza jaso dute. Zinema jardunaldia eguenean izango da Amaia antzokian, 20:30ean hasita.
Aldarteko kide batek zinema jardunaldiaren aurkezpena egin ondoren, dokumental bat eta lau laburmetrai izango dira ikusgai: Lovinza Kavumak zuzendutako Rape for who I am (2006) dokumentala eta Pitou (14'), Dyke (9'), El día de la Madre (14') eta Lencería de ocasión (11') laburmetraiak.