Hiru lagun atxilotuta, ustez lapurreta egiteagatik

Hiru lagun atxilotu dituzte gaur goizaldean (egubakoitza) Arrasaten, ustez lapurretak egin edo behintzat, ahalegina egiten zebiltzalakoan. Arrasateko Udaltzaingotik emandako datuaren arabera, hiru gizonezko atxilotu dituzte goizaldeko bostak inguruan, eta Ertzaintzaren esku utzi.

Zarugalde kalean, adibidez, furgoneta batean ahalegindu dira lapurreta egiten; eta baita Corinto tabernan ere. Azken horretan leiho baten kristalean zuloa egin dute.

Erdigunera etorrita, berriz, Zur-Lur jostailu-dendan ere erakusleihoaren kristalak apurtu dituzte. Eta jakin badakigu erdiguneko beste pare bat lekutan ere ahalegindu direla lapurreta egiten: perfume-denda batean eta arropa-denda batean.

Herrizaingo-Sailak emandako informazioaren arabera, dilijentziak zabalik dituzte. Hiru gazteei egotzitako delitua, berriz, lapurretan egitea indarra erabilita. Emandako xehetasunen arabera, oso gazteak dira hiru atxilotutakoak.     

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.