Emanaldi dibertigarria aurkeztuko du bikoteak. Hipo garbitzailea eta Tomax zaintzailea Argiñano sukaldari ezagunaren telebista platoan elkartuko dira eta aspaldi zeukaten ametsa errealitate bihurtzen saiatuko dira: egun batez sukaldari famatuak izan eta umeei Cola-Cao pastela nola egin erakustea.
Horretarako, Argiñano sukaldariari errezeta liburua lapurtuko diote eta horretan azaltzen diren osagaiekin esandako pastela egiten saiatuko dira. Tomax sukaldari lanetan jarduten duen bitartean, Hipo horren laguntzailea izatearekin konformatu beharko da.
Pastela gertatzea ez dela horren erraza konturatuko dira; arazo asko izango dituzte pastela prestatzeko. Mikel Sarriegiren eta Joserra Fachadoren ikuskizuna lau urtetik gorako umeendako da.