Pakito Arriaranen senideek, Salvadorreko Lagunen ordezkariek, hainbat zinegotzik eta beste hainbat herritarrek prentsaurrekoa egin dute gaur, zapatua, "Utzi Arrasate bakian!" lelopean.
Azaldu dute "dena ez dela posible" herri honetan, eta ezin direla "norbere eskubideak aldarrikatu beste herritarrenak zapalduz. Ezin da alkatea espetxeratu, tabernetako bezeroak mehatxatu, hogeitaka urtetan egon diren herriko seme-alaben argazkiak besterik gabe kendu, nazioarteko herriekin egiten diren elkartasun ekimenak besterik gabe zapuztu...".
Hala, Arrasateko herria bakean uzteko eskaerarekin bat egiteko, manifestazio isila deitu dute eguenerako, urriaren 1a, 19:00etan.