Autobusa doan
Atzotik hilaren 22ra bitartean Arrasateko herri barruko autobus zerbitzua doan izango da. Europako mugikortasun iraunkorraren astea dela eta, udalak herri barruko autobus zerbitzua ezagutaraztea nahi du, etorkizunean erabiltzaile gehiago izan ditzan.
Arrasateko autobus urbanoak bi linea desberdin ditu eta ordu erdiro pasatzen da geltoki bakoitzetik. Erabiltzaile gehienak erretiratuak dira eta ia egunero erabiltzen dute autobus zerbitzua.
Erosketak egiteko, anbulatoriora edo erdialdera joateko erabiltzen dute eta orokorrean gustura daude autobus zerbitzuarekin.
Lurraldebus txartelarekin
Maiatzetik Arrasateko herri barruko autobus bidaiak Lurraldebus txartelarekin ordaintzeko aukera dute erabiltzaileek. Txartela erabiliz gero, eskaintzen dituen beherapenez baliatu daitezke herritarrak eta bidaiak merkeago ordaindu.