Izenematea zabalik dago eta interesatuek Goikobaluk Zaldibarren, Saiolaneko eraikinean duen lokalera jo dezakete. Oraindik eskolak hartzeko eguna erabakitzeko dago baina ziurrenik eguazten arratsaldean izango dira.
Astero hiru ordu laurdeneko saioa egingo dute eta prezioari dagokionez abendura bitartean 20 euro eta urtarriletik ekainaren beste 20 euro ordaindu beharko dute. Irailaren erdialdean hasiko dira eskolak.
Helburu nagusia musika zaletasuna piztea da eta horretarako ahots-teknika, espresibidadea edo melodia landuko dute, jolasen bitartez askotan. Maialen Gonzalez izango da irakaslea. Argibide gehiago 615 76 02 89 telefono zenbakian jaso daitezke.