Goizean, gaztetxo ugari elkartu dira Garibai plazan Eguzki Laruri ongi etorria emateko eta pasakailean herriko trikitilari eta Txatxilipurdiko hezitzaileekin batera, Zaldibarko frontoira gerturatu dira. Parkean hiru txoko nagusi daude: haur parkea, karaokea eta eskulan txokoa.
Eguerdian apar jolasak arrakasta izugarria izan du Garibai plazan. Gazteak bainujantzi eta txankletak hartu, eta aparretan murgildu dira. Eguraldiak ere lagundu du, eta haurrak zein gurasoak, pozik ibili dira.
Arratsaldean, Pirritx, Porrotx eta Marimotots pailazoek, Irrien lagunak ikuskizuna eskainiko dute Monterronen.