Iparraldekoak izan ezik, gainerako herrialdetatik etorritako dantza taldeen ordezkariak elkartu ziren Arrasaten; Otsagabia, Aramaio, Durango, Legazpi, Pasaia, Soraluze, Oñati, Aretxabaleta eta Antzuolako gaztetxoak izan ziren zehazki. Gehienak, beraz, gipuzkoarrak.
Arrasateko Txikitxu eta Lore Gazteak taldeetako dantzariekin egin zuten bat eta eguraldia lagun, kale erakustaldiak egin zituzten goizean, hainbat gunetan: Garibain, Seber Altuben edota Arbolapetan, esaterako.
Arratsaldean, berriz, alardea egin zuten plazan. Eta kanpotik etorritakoek, euren dantzarik esanguratsuenak erakutsi zizkieten arrasatearrei.