Saneamendu lanetan
Udaleko Hirigintza Sailetik jakinarazi dutenez, obra hauek Zabalgunea deritzon eremuko urbanizazio planaren barruan aurreikusita zeuden. Egun azpiegitura lanetan dihardute, besteak beste, saneamendu eta elektrizitate hornidurak muntatzen. Horrek esan nahi du lehenik errepidea jaso, ondoren egin behar diren lanak egin eta azkenik guztia ondo asfaltatuta eta erabilgarri utzi behar dela. Hau jakinda, Udaletik ezin izan dute hasiberri diren obra hauek noiz amaituko diren zehaztu. Hori bai, luzerako eman dezakeela (2-3 hilabete) ohartarazi dute. Etxe Txiki kaleko obra hauen aurrekontua ere ezin izan dute jakinarazi, izan ere, Zabalgunearen urbanizazio plan osoaren barruan sartzen da.
Obren arduraduna Xaxarki enpresa da. Sustatzailea, era berean, Obenerreka da, Zabalgunea eremuaren arduradun berbera.
Trafikoan aldaketa
Obrek dirauten bitartean, Nafarroa Etorbidetik Gipuzkoa Etorbidera sartu nahi duen autoak obren aurretik ezkerretara sartuz, Maalako biribilgunetik egin beharko du. Obrak amaitzen direnean, ezingo da Etxe Txiki kalea norabide horretan zeharkatu.