Hasi orduko bukatu dira San Juanak; datorren urtera arte bapo!

Bukatu dira San Juanak Arrasaten. Indartsu hasi ziren eta indartsu bukatu dira atzoko Erraldoi eta Kilikien konpartsen kontzentrazioarekin, Herriko plazan batu zen jendetza ikustea besterik ez zegoen.

Justu horixe da Ino Galparsoro alkateak nabarmendu duena aurtengo jaietatik: "Aurten ekitaldietan herritarren parte-hartzea zabala izan da. Errementari-dantzak, Pirritx eta Porrotxek, eta konpartsek, esaterako, jende mordoa erakarri dute. Egia da eguraldiak lagundu duela, nahiz eta batzuetan eguzkiak gogor jo. Eta egia da, baita ere, igartzen dela herritar asko kanpora joaten direla. Hala ere, nabarmenduko nuke geratu direnek jaietan izan duten parte-hartzea. Eta hori da, azken batean, jaien funtsa. Jaiak parte hartzeko antolatzen dira. Beraz, eskerrak eman gura nioke jendeari, batetik, parte hartu duelako, eta bestetik, jakin duelako egoten".

Aztertzekoa

Horrekin batera, alkateak adierazi du jaietan izan den ezusteko bakarra entzierroetako jende-pilaketa izan dela. "Betiko moduan badaude gauzak hobetzeko eta beste batzuk bere horretan uzteko, eta balorazio osoa egiten dugunean aztertuko dugu puntu hori ere bai". 

image

pirritx-porrotx

image2

kontzertua

poniak

erraldoiak

eskalatzen

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.