Bestela esanda, Untza enpresako erizain laguntzaileek ohiko zerbitzuaren %70 emango dute. Hori horrela, Iturbide egoitzan lanen banaketa berria egin behar izan dute egoiliarrengan ahalik eta eraginik txikiena izateko.
ESK sindikatuak iragarritakoaren arabera, Udalaren eta egoitzako azpikontratatutako langileen artean adostasuna lortu arte segituko dute greba horrekin.
Gogoan izango duzuen moduan, Iturbide egoitzako azpikontratatutako langileak, erizain laguntzaileak, mobilizazioak egiten hasi ziren otsailean, gura dutelako eskuratu parekotasuna Iturbide egoitzan dauden Udal langileen lan baldintzekiko.
Arrasateko Udalak egindako eskaintzaren arabera, berriz, parekotasuna barik, 4 urtean Iturbideko azpikontratatutako langileei soldata %30 igoko liekete. Gertuago begiratuta, 2009an %10eko igoera izango lukete.
Momentuz, beraz, adostasunik ez dago Udalaren eta azpikontratatutako langileen artean, eta greban jarraituko dute.